LOREAL - ლორეალი

Loreal არის ერთ-ერთი ყველაზე ცნობილი კოსმეტიკური კომპანია მსოფლიოში. იგი დაარსდა 1909 წელს, საფრანგეთში, პარიზში, ქიმიკოს ეფელ შულერის მიერ. თავდაპირველად, კომპანია აწარმოებდა საღებავებს, რაც მოგვიანებით ტრანსფორმირდა კოსმეტიკის ფართო ასორტიმენტში.

ლორეალის ფილოსოფია ხაზს უსვამს სიახლეებს, ინოვაციას და სილამაზის ხელმისაწვდომობას. კომპანია დარწმუნებულია, რომ სილამაზე უნივერსალურია და უნდა იყოს ხელმისაწვდომი ყველა ადამიანისთვის, მიუხედავად კულტურული განსხვავებულობისა და ეთნიკური იდენტობისა. ეს ფილოსოფია გაცხადებულია ბრენდის სლოგანშიც — Because You're Worth It (რადგან შენ ამას იმსახურებ), რომელიც ხაზს უსვამს მომხმარებლის პატივისცემას და მათ უფლებას, იგრძნონ თავი ლამაზად და კომფორტულად.

ლორეალი ძალიან მრავალფეროვანი პროდუქტებითაა ცნობილი, რომელიც მოიცავს თმისა და კანის მოვლის საშუალებებს, მაკიაჟისთვის საჭირო კოსმეტიკას და სუნამოებს. ბრენდი მუდმივად ზრუნავს მომხმარებლის მოთხოვნებზე და თანამედროვე სილამაზის ტენდენციებს ყოველთვის ითვალისწინებს.

ბრენდი დიდ ყურადღებას უთმობს კვლევას და განვითარებას, რაც საშუალებას აძლევს გაუმჯობესდეს და შექმნას ისეთი პროდუქცია, რომელიც მომხმარებელთა საჭიროებებს უპასუხებს. ბრენდის მიზანია, მისი პროდუქტები დაეხმაროს ადამიანებს, რომ თავი თვითდაჯერებულად იგრძნონ. 

ლორეალი გამორჩეულია არა მხოლოდ თავისი ინოვაციური პროდუქტებით, არამედ უნიკალური მარკეტინგული სტრატეგიებით. კომპანია აქტიურად მონაწილეობს სოციო-ეკონომიკურ და ეკოლოგიურ პროექტებში, რაც აჩვენებს მის პასუხისმგებლობას გარემოს დაცვის კუთხით და საზოგადოების მიმართ.

Loreal-ის პოპულარული პროდუქცია

1. თმის საღებავი Loreal Excellence — ბრენდის თმის საღებავების ხაზი სამმაგი მოვლის სისტემით გამოირჩევა — ანუ შეღებვის პერიოდში იცავს, აძლიერებს და კვებავს თმას. ამიტომაცაა, რომ შეფუთვა „სამფაზიანი მოვლის“ პრინციპზეა აგებული: ყუთში მოთავსებულია საღებავი, შამპუნი და თმის ნიღაბი. საღებავი შეიცავს პროკერატინს, რაც თმას უფრო ძლიერს ხდის. ასევე, კერატინის დაცვის ტექნოლოგია ხელს უწყობს თმის სტრუქტურის გაუმჯობესება-შენარჩუნებას. რაც მთავარია 100%-ით ღებავს ჭაღარას და თანაბარ შედეგს იძლევა. ფერთა პალიტრა კი საკმაოდ მრავალფეროვანია — მოიცავს როგორც ნატურალურ, ისე უფრო თამამ და მოდურ ტონებს.

2. ტრიო აქტივი სახის კრემი — ლორეალის სახის კრემი სამმაგი მოქმედებით გამოირჩევა — ატენიანებს, იცავს და სიჯანსაღეს მატებს. აღადგენს კანის ბუნებრივ ბარიერს და იცავს გარემოს მავნე ზემოქმედებისგან. ამასთან, კრემის მთავარ უპირატესობას წარმოადგენს 24-საათიანი ღრმა დატენიანება; ვიტამინ E-სა და UV ფილტრების შემცველობით კი, კანი დაცულია როგორც სიმშრალისგან, ისე ნაადრევი დაბერებისგან. Trio Active კრემს საკმაოდ მსუბუქი ტექსტურაც აქვს, არ ტოვებს ცხიმოვან კანს და მარტივად შეიწოვება. მისი შემადგენლობა განკუთვნილია ყველა ტიპის, მათ შორის მგრძნობიარე კანისთვისაც. ასევე, არ შეიცავს პარაბენებს, რაც ამცირებს ალერგიული რეაქციებისა და გაღიზიანების რისკს. 

3. ლორეალის მიცერალური წყალი — ლორეალის მიცერალური წყალი ეფექტურად აშორებს ჭუჭყს, მაკიაჟსა და ცხიმს კანის ზედაპირიდან. არ საჭიროებს ჩამობანას, არ ტოვებს ცხიმიანობის ან წებოვან შეგრძნებას, რაც საკმაოდ კომფორტულია. მის მთავარ უპირატესობას კი ის წარმოადგენს, რომ ნაზად წმენდს კანს და, ამავდროულად, გამოშრობის ნაცვლად, საგრძნობლად ატენიანებს. მიცერალური წყლის შემადგენლობა არის ჰიპოალერგიული და არ შეიცავს ალკოჰოლს, სილიკონებს ან პარფიუმს, რაც ამცირებს გაღიზიანებისა თუ ალერგიული რეაქციების რისკს. ის შესაფერისია თვალების გარშემო ზონის გასაწმენდადაც.