თურმანიძის მალამო ანტისეპტიკი 30გ

თურმანიძის მალამო ანტისეპტიური, მულტი-ფუნქციური

შემადგენლობა:

მზესუმზირის ზეთი, ზეითუნის ზეთი,  კალენდულა/გულყვითელა, ნაძვის ფისი (ტერპენტინი),  ფიჭვის მტვერი,  ფუტკრის ცვილი.

აღწერილობა:

პრეპარატი  წარმოადგენს მოყვითალო ან ღია ყავისფერ, სპეციფიკური სუნის მქონე მალამოს.

ფარმაკოლოგიური მოქმედება:

პრეპარატს ახასიათებს ანთების საწინააღმდეგო, ადგილობრივი ტკივილგამაყუჩებელი და ანტისეპტიკური მოქმედება. მალამო აცილებს ნეკროზულ ქსოვილებს, ასუფთავებს ჭრილობას ნადებისაგან, ხელს უწყობს ეპითელური ქსოვილის რეგენერაციას და გრანულაციური ქსოვილის განვითარებას, აჩქარებს შეხორცებით პროცესს.

ჩვენება:

პრეპარატი გამოიყენება კომპლექსურ თერაპიაში  რბილი ქსოვილების ჩირქოვანი ანთებითი პროცესების - კარბუნკული ფურუნკული, პოსტინექციური აბსცესი, პანარიციუმი, ჰიდრადენიტი, ლიმფადენიტი, ფოლიკულიტი, პოსტოპერაციული გართულებული ჭრილობები (კანის დიდი ზომის დეფექტი), სუფთა ჭრილობების, პოსტტრავმული ღია  ჭრილობების, ბანალური ოსტეომიელიტის, ქვემო კიდურების ჩირქოვან-ანთებითი პროცესები:  ტროფიკული წყლული, დიაბეტური ტერფი; აგრეთვე ნაწოლების, სხვადასხვა ონკოლოგიური ჭრილობების, აგრეთვე მწერების (კოღოს) ნაკბენის, ჩირქოვანი  აკნეს და აკნეს შემდგომი მკურნალობის  დროს. 

გინეკოლოგიაში:  საშვილოსნოს ყელის ეროზია, კოლპიტი.

მეანობაში:  კერტების ნახეთქები ძუძუთი კვების დროს,  შორისზე ჭრილობები.

სტომოატოლოგიაში: პირის ღრუს ლორწოვანი გარსის ინფექციურ-ანთებადი დაავადებები, ყბა-სახის ქირურგიაში და იმპლანტოლოგიაში ქსოვილთა რეგენერაციისათვის, პროტეზებით გამოწვეული ღრძილების გაღიზიენება

გამოყენების წესი და დოზირება:

ჭრილობის ანტისეპტიკური დამუშავების შემდეგ, პრეპარატით/მალამოთი გაჟღენთილ მიტკალს (სასურველია) ან სამფენოვან დოლბანდს დავაფარებთ ჭრილობის ზედაპირზე. ღრმა ჭრილობებში მალამო გამოიყენება ტამპონის სახით. ნახვევის გამოცვლა რეკომენდებულია  24 სთ-ში ერთხელ. მსუბუქ შემთხვევებში მალამოს შეიზილეთ/წაისვით პირდაპირ კანის ზედაპირზე. 

სტომატოლოგია: მალამო დაიტანება თხელი ფენით  დაზიანებულ ადგილებზე

გინეკოლოგიაში: პრეპარატი გამოიყენება ვაგინალური ტამპონების სახით,

უკუჩვენება:

არ აღინიშნება. (იხილეთ განსაკუთრებული მითითება).

გვერდითი მოვლენები: არ არის გამოვლენილი

განსაკუთრებული მითითება: პრეპარატის გამოყენება უსაფრთხოა ორსულობის, ლაქტაციის პერიოდში და ბავშვებში.  არ გამოიყენოთ თუ გაქვთ ალერგია  ზემოთ ჩამოთვლილ, რომელიმე ინგრედიენტზე. 

სხვა წამლებთან ურთიერთქმედება:  სხვა წამლებთან   შეუთავსებლობა არ არის გამოვლენილი

გამოშვების ფორმა:  30 გ ალუმინის ტუბში.

ვარგისიანობის ვადა:  3 წელი.

შენახვის პირობები:

ინახება მშრალ, სინათლისაგან დაცულ და ბავშვებისათვის მიუწვდომელ ადგილას, არაუმეტეს 25°C ტემპერატურაზე. ტუბის გახსნის შემდეგ გამოიყენება  12 თვე.

გაცემის რეჟიმი:  პარასამკურნალ საშუალება,  გაიცემა რეცეპტის გარეშე.

პრეპარატი (მალამო) წარმოადგენს პარასამკურნალო საშუალებას